Xəbərlər

İsveç və Estoniya alimləri Yer üzərində olan bütün göllərin hesablanması üzrə tədqiqat aparıblar.

ERtv Gazeta.Ru-ya istinadən xəbər verir ki, bu barədə Upsala Universitetinin pres-relizində bildirilir.

Tədqiqat qrupuna Limnologiya İnstitutunun professoru Lars Sund rəhbərlik edib.

O, həmkarları ilə birgə yeni bir tədqiqat üsulu hazırlayıb. Bu, peyk təsvirlərində sahəsi ən azı 2 hekatr olan bütün gölləri avtomatik olaraq axtarmaq imkanı verib.

Əldə olunan məlumatlara görə, Yer üzərində təqribən 117 milyon göl var ki, bu da yer səthinin demək olar ki, 4 faizini əhatə edir. Bununla yanaşı Qrenlandiya və Antarktidanın buz altında qalan gölləri nəzərə alınmayıb.

Göllərin kənarlarının ölçüləri ekvatorun uzunluğunu 250 dəfə üstələyir.