Xəbərlər

UEFA “Xalqlar Liqası” adlı beynəlxalq turnir keçirəcək.

ERtv ligtv.com.tr-yə istinadən xəbər verir ki, UEFA 2018-ci ildən etibarən keçirilməsi planlaşdırılan liqa ilə milli komandalar səviyyəsində yarışlara diqqəti artırmaq istəyir.

Liqanın formatı da artıq məlumdur. Belə ki, “Xalqlar Liqası” 4 qrupda keçiriləcək. Avropa ölkələrinin reytinq ardıcıllığı nəzərə alanaraq bir-birinə yaxın reytinqdə yerləşən ölkələr eyni qruplarda yer alacaq.

54 ölkə 4 qrupa bölünəcək.

A və B qrupda 12 ölkə yer alacaq. Onlar hər birində 4 ölkə olmaqla 3 alt qrupa bölünəcək.

C qrupunda 14 ölkə yer alacaq. İlk 2 alt qrupda 4 ölkə, 3 və 4-cü alt qrupda isə 3 ölkə mübarizə aparacaq.

D qrupunda isə 16 ölkə olacaq. Bu qrup hər birində 4 ölkə olmaq 4 alt qrupa bölünəcək.

Hər alt qrupda yer alan ölkələr bir-birilərinə qarşı evdə və səfərdə olmaqla yarışacaqlar. Bundan sonra A, B, C və D qruplarının hər birinin alt qruplarında 1-ci olan ölkələr arasında “dördlü final” keçiriləcək. Hər qrupda “dördlü final”ın qalibləri arasında yeni bir “dördlü final” keçiriləcək və qalib ölkə “Xalqlar Liqası”nı çempion kimi tamalayacaq.

Bu liqa həm də Avropa Çempionatının əsas mərhələsinə vəsiqə qazanmaq baxımından da önəm daşıyacaq. Belə ki, 2020-ci ildə 24 ölkənin iştirakı ilə keçiriləcək Avropa Çempionatına 4 vəsiqə məhz “Xalqlar Liqası”ndan veriləcək.

A, B, C və D qruplarının qalibləri çempionata vəsiqə qazanmış olacaq.

Hazırda keçirilən seçmə mərhələ oyunları isə olduğu kimi qalacaq. Bu həmin liqa ilə paralel keçiriləcək. Digər 20 iştirakçı da seçmə mərhələdə qruplarından ilk 2 yeri tutan ölkələr olacaq.

Liqanın maraqlı cəhəti həm də ondan ibarət olacaq ki, alt qruplarda lider olan ölkələr bir növbəti qrupa yüksələcək. Məsələn: hansısa ölkə C qrupunun 1, 2, 3 və 4-cü alt qrupunda lider olarsa o növbəti liqada nisbətən daha güclü ölkələrin yer alacağı B qrupunda mübarizə alacaq.

UEFA bununla da milli komandaların arasında yoldaşlıq görüşlərinin sayını azaltmaq, həm də futbola yeni həyəcan gətirmək niyyətindədir.

İlk “Xalqlar Liqası”nın 2018-ci ilin sentyabr, oktyabr və noyabr aylarında keçirilməsi planlaşdırılır. Bu ayların hər birində 2 oyun keçirməklə alt qrup oyunları yekunlaşacaq. “Dördlü final”laarın isə 2020-ci ilin mart ayında keçirilməsi planlaşdırılır.

Hazırda UEFA-nın Avropa üzrə reytinq ardıcıllığına görə “Xalqlar Liqası”nın qruplarını və alt qrularını belə bölmək olar. Amma təkidlə bildiririk ki, bu sırlama 2018-ci ilə qədər dəyişə bilər. O vaxta qədər ölkələrin qazanacağı xallar onların reytinqdəki mövqelərinin dəyişməsinə səbəb ola bilər.