Xəbərlər

Britaniyada yaşayan dünya şöhrətli azərbaycanlı müğənni və bəstəkar Sami Yusuf BMT-nin Ümumdünya Ərzaq Proqramının (ÜƏP) aclıqla mübarizə üzrə səfiri təyin olunub.

ERtv BMT-nin Xəbərlər Mərkəzinə istinadən məlumat verir ki, Sami Yusuf uzun müddət ÜƏP-nın fəaliyyətini dəstəkləyib və öz albomlarının satışından əldə etdiyi vəsaiti ehtiyacı olanlara ərzaq yardımının edilməsi üzrə əməliyyatlara ayırıb.

Sami Yusuf proqram çərçivəsində Misirdə, həmçinin İordaniyada olub.

Sami Yusuf İslam dininə aid mahnıları ilə tanınır. O, Tehranda İran azərbaycanlısı ailəsində doğulub. Üç yaşında isə ailəsi Britaniyaya köçüb.