Xəbərlər

Türkiyədə Zəfər Həftəsi çərçivəsində Atatürk Anıtqəbir meydanında cümhuriyyət banisinə millət sevgisi analoqsuz aksiya ilə ifadə olunub.

ERtv nediyor.com portalına istinadən xəbər verir ki, Anıtqəbirdə 6 min könüllü tərəfindən 10-cu İl Marşı və İzmir Marşının müşayiəti ilə dünyanın ən böyük Atatürk portreti yaradılıb.

Zəfər Həftəsi tədbirləri çərçivəsində Baş komandanlıq Meydan Müharibəsinin 92-ci ildönümündə Mustafa Kamal Atatürkün canlı portretinin yaradılması üçün 6 min könüllü Anıtqəbir meydanında bir araya gəlib.

Bu aksiya “Dünyanın ən böyük Atatürk portreti” olaraq Ginnesin Rekordlar kitabına düşmək məqsədi ilə təşkil olunub. Məlumata görə, keçirilən aksiyanı “Ginnes” nümayəndələri də izləyiblər.

Buna qədər Atatürkün canlı portreti İzmirdə 10 noyabr 2012-ci ildə 2 min 400, Bursada 29 oktyabr Cümhuriyyət bayramında isə 5 min 990 nəfərin iştirakı ilə yaradılmışdı.