Xəbərlər

Yanvar-iyul ayları ərzində Azərbaycanda kompyuter, elektron və elektrik avadanlıqlarının istehsalı sahələrində 135,6 milyon manat həcmində məhsul istehsal edilib.

ERtv-nin Dövlət Statistika Komitəsinə istinadən verdiyi xəbərə görə, əvvəlki ilin yanvar -iyul ayları ilə müqayisədə kompyuter və digər elektron avadanlıqlarının istehsalı 26 faiz azalıb, elektrik avadanlıqlarının istehsalı isə 17,1 faiz artıb.

Bu ilin yeddi ayında sənaye müəssisələri və bu sahədə fəaliyyət göstərən fiziki şəxslər tərəfindən 19.8 milyard manatlıq və ya əvvəlki ilin eyni dövrü ilə müqayisədə 1,7 faiz az sənaye məhsulu istehsal olunub.

Məhsulun 14.4 milyard manatı və ya 72.5 faizi mədənçıxarma bölməsində istehsal olunub.

Sənayenin emal bölməsində istehsal 4.3 milyard manat təşkil edib. Qeyri neft emal sənayesində 2.8 milyard manatlıq və ya keçən ilin müvafiq dövrünə nisbətən 3.3 faiz çox sənaye məhsulu istehsal olunub.