Xəbərlər

Bu ilin ən isti günü - bu günə, 20 avqusta təsadüf edir.

ERtv Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin sözlərinə istinadən xəbər verir ki, bu gün Bakıda və Abşeron yarımadasında 36-39, yarımadanın bəzi yerlərində 41 dərəcə isti proqnozlaşdırılsa da, bu anomal isti hesab edilmir.

Onun sözlərinə görə, sonrakı günlərdə belə istilər proqnozlaşdırılmır.

Baş hidroloq deyib ki, son 20 il ərzində Bakıda ən isti illər 2010, 2011, ən sərin illər isə 1993 və 2004-cü illər olub:

“Azərbaycanda anomal istilər 2010-cu ildə qeydə alınıb. Həmin il iyulun 11-12-də Bakıda 40-41, bəzi Mərkəzi Aran rayonlarında 42-43, Culfada 44 dərəcə isti qeydə alınıb. Ötən il iyul ayının üçüncü ongünlüyündən başlayaraq avqustun 3-dək ölkə ərazisində güclü istilər olub. Həmin il iyulun 22-də Bakıda 40 dərəcə isti qeydə alınıb”.