Xəbərlər

Bu gün Qax, Goranboy, Balakən, Qobustan, Kürdəmir, Şəmkir, Qaradağ, Şamaxı, Masallı, Binəqədi, Sabunçu, Siyəzən, Xətai, Xəzər, Oğuz, Şəki, Qazax və Nərimanov, Yasamal, Səbail və Nəsimi rayonlarının bir hissəsinə təbii qaz təchizatında məhdudiyyətlər olacaq.

ERtv-nin “Azəriqaz”a istinadən verdiyi xəbərə görə, məhdudlaşma qaz nəqli sistemində və qaz təchizatı şəbəkəsində təmir-quraşdırma işləri ilə əlaqədardır.

Bu gün saat 18:00-dək Qax, Goranboy, Balakən, Qobustan, Kürdəmir, Şəmkir, Qaradağ, Şamaxı, Masallı, Binəqədi, Sabunçu, Siyəzən və Xətai rayonlarına qaz verilişində fasilələr yaranacaq.

Qaz təchizatının yaxşılaşdırılması məqsədi ilə yeni çəkilmiş qaz xətlərinin qaz təchizatı mənbəyinə birləşdirilməsi, təmir-bərpa və quraşdırma işlərinin aparılması ilə əlaqədar işlər başa çatanadək Xəzər, saat 12:00-dək Oğuz, saat 12:00-dan 14:00-dək Şəki, saat 15:00-dək Qazax və Nərimanov rayonlara qaz verilişində məhdudiyyətlər olacaq.

Yasamal, Səbail və Nəsimi rayonlarının bir hissəsinə təbii qazın verilişində məhdudiyyətlər isə saat 14:00-dan işlər başa çatanadək davam edəcək.