Xəbərlər

Cari ilin yanvar-iyul ayları ərzində ölkədə 683,9 min ton avtomobil benzini istehsal olunub.

ERtv-nin Dövlət Statistika Komitəsinə istinadən verdiyi xəbərə görə, bu da istehsalın illik 17 faiz azalması deməkdir.

Həmçinin bu müddətdə dizel yanacağı istehsalında da azalma müşahidə edilib. İstehsal illik təxminən 10 faiz azalaraq 1 mln. 333,5 min ton olub.

İlk yeddi ay üzrə ağ neft istehsalı isə 387,3 min ton təşkil edib ki, bu da ötən ilin eyni dövrü ilə müqayisədə təxminən 8 faiz azdır.

Statistikaya əsasən neft məhsullarının istehsalı müəssisələri tərəfindən istehsalın həcmi 1 mlrd. 486,9 milyon manat olmaqla əvvəlki ilin yanvar iyul ayları ilə müqayisədə 9,6 faiz azalıb.