Xəbərlər

Müdafiə sənayesi naziri Yavər Camalovla Serbiya Respublikasının müdafiə naziri arasında görüş keçirildi.

Bu gün Serbiyanın müdafiə naziri Bratislav Qaşiçin rəhbərlik etdiyi nümayəndə heyəti ilə Müdafiə Sənayesi Nazirliyində görüş keçirilib.

ERtv nazirliyin saytına istinadən xəbər verir ki, qonaqları qəbul edən nazir Yavər Camalov Müdafiə Sənayesi Nazirliyinin fəaliyyəti və 11-13 sentyabr 2014-cü il tarixlərində keçiriləcək "ADEX 2014" 1-ci Azərbaycan Beynəlxalq Müdafiə sənayesi sərgisi ilə bağlı məlumatları qonaqların nəzərinə çatdırıb.
Səmimi keçən görüşdə Azərbaycan ilə Serbiya arasında mövcud müdafiə sənayesi sahəsi üzrə əməkdaşlığın gələcək perspektivləri və qarşılıqlı maraq doğuran digər məsələlər müzakirə edildi.
Görüşdə Serbiya Respublikasının Azərbaycandakı Müvəqqəti İşlər Vəkili cənab Milanko Bajçeto iştirak edirdi.

Səfər çərçivəsində nümayəndə heyəti Müdafiə Sənayesi Nazirliyinin Elektron Hesablayıcı Maşınlar zavodunda istehsal prosesinin gedişini izləyib, nazirliyin müəssisələrində istehsal edilən məmulatlarla tanış olublar.