Xəbərlər

Bu gecə saat 01:00 radələrində Qax rayonunun Almalı kəndi ərazisində qəza baş verib.

ERtv APA-ya istinadən xəbər verir ki, bu barədə Qax Rayon Polis Şöbəsindən məlumat verilib.

Belə ki, rayonun Dəymədağlı kənd sakini, 1983-cü il təvəllüdlü Tural Xanlar oğlu Salahov idarə etdiyi “Mercedes” markalı, 99 CU 034 dövlət nömrə nişanlı minik avtomobil ilə Almalı kəndi içərisində hərəkətdə olarkən idarəetməni itirməsi səbəbindən maşını yolun kənarında dayanmış, Almalı kənd sakini, 1975-ci il təvəllüdlü Aydın Məhəmməd oğlu Yusifova məxsus “İveco” markalı, 90 SH 582 dövlət nömrə nişanlı yük maşınına vurub.

Toqquşma nəticəsində T. Salahov aldığı ağır bədən xəsarətlərindən hadisə yerində ölüb. Faktla bağlı Qax RPŞ-də cinayət işi başlanıb, araşdırma aparılır.