Xəbərlər

Avqustun 9-da Soçidə Rusiya Prezidenti Vladimir Putinin Azərbaycan və Ermənistan prezidentləri İlham Əliyev və Serj Sarkisyanla ikitərəfli görüş keçirəcək.

ERtv xəbər verir ki, bu barədə Kremlin rəsmi saytında məlumat dərc olunub.

Prezident İlham Əliyevlə görüşdə Rusiya-Azərbaycan əməkdaşlığının daha vacib məsələlərinin müzakirəsi, energetika, investisiya və regionlararası kooperasiyalar sahəsində qarşılıqlı maraq doğuran layihələrin irəliyə aparılması istiqamətində birgə addımların razılaşdırılması nəzərdə tutulub.

Serj Sarkisyanla görüşdə isə iki ölkə arasında siyasi, ticari-iqtisadi və humanitar sahədə gələcək əməkdaşlığın inkişafı üzrə fikir mübadiləsi aparılacaq. Ermənistanın Avrasiya İqtisadi İttifaqı təşkilatına qoşulmasına xüsusi diqqət yetiriləcək.