Xəbərlər

Kiyevin Peçora rayon məhkəməsi Rusiyanın müdafiə naziri Sergey Şoyqu, Rusiya Dövlət Dumasının deputatları Vladimir Jirinovski, Sergey Mironov və Gennadi Zyuqanov, həmçinin sahibkar Konstantin Malofeyev barəsində həbs qərarı çıxarıb.

ERtv RBK-Ukraina-ya istinadən xəbər verir ki, bu barədə Ukrayna Baş Prokurorluğunun mətbuat katibi Yuri Boyçenko məlumat verib.

Məhkəmə Rusiyanın müdafiə naziri, Rusiya Kommunist Partiyasının rəhbəri, Rusiya Liberal-Demokratik Partiyasının lideri və “Ədalətli Rusiya” partiyasının sədri və “Marshall Capital” İnvestisiya Fondu təsisçisi üçün həbs tələb edən Baş Prokurorluğun təqdimatını təsdiq edib.

Boyçenko əlavə edib ki, Ukrayna Baş Prokurorluğu müvafiq xəbərdarlığı Rusiya və Ukrayna xarici işlər nazirliklərinə də göndərəcək.

Ukrayna DİN Baş İstintaq İdarəsi qeyd olunan Rusiya vətəndaşlarını Ukrayna ərazisində qanunsuz silahlı birləşmələrinin maliyyələşdirilməsində və yaradılmasında şübhəli bilir.