Xəbərlər

Müasir sivilizasiyanın nümayənədələri ilə heç vaxt əlaqədə olmayan bir qrup hindu üzə çıxıb.

ERtv RİA Novosti-yə istinadən xəbər verir ki, bu barədə Braziliyanın Müasir Hindu Fondu məlumat yayıb.

Onlarla ünsiyyət Braziliyanın Peru ilə sərhəddə yerləşən Akri ştatı yaxınlığında Envira çayı sahilində baş tutub. Cəngəllikdən gələn qonaqların qarşısına müasir dünya ilə çoxdan tanış olan aşaninkov tayfasından olan hindu çıxıb.

Onun əynində çimərlik tumanı, əllərində isə iki banan topası olub. O bananları svilizasiya ilə tanış olmayan hindulara verib. Həmin hindular isə öz növbələrində ehtiyat edərək hədiyyəni qəbul ediblər.
“Globo” telekanalının məlumatına görə, alimlər cəngəllikdən çıxan hinduları panoan dillər qrupuna aid hesab edirlər. Çox güman ki, hindular Peru və Braziliya sərhədini qanunsuz meşəqıranlar və narkomafiya dəstələrinin fəaliyyətləri ilə əlaqədar keçiblər.