Xəbərlər

İyul ayında Azərbaycanda 13 nəfər suda boğularaq dünyasını dəyişib.

ERtv xəbər verir ki, Bakı Şəhər Təcili və Təxirəsalınmaz Tibbi Yardım Stansiyasında (BŞTTTYS) iyul ayı ərzində 34 nəfərin suda boğulma faktı qeydə alınıb.

Stansiyasının operativ işlər üzrə şöbəsinin böyük həkimi Zemfira Vahidova deyib ki, onlardan 13-ü dünyasını dəyişib, 13-ü isə xəstəxanaya çatdırılıb, 8 nəfərə isə yerində yardım göstərilib.

Z.Vahidovanın sözlərinə görə, 34 nəfərdən 26-sı kişi, 8-i qadın olub.

Məlumata görə, dənizdə boğulma halları əsasən Abşeron yarımadasının Mərdəkan, Şüvəlan, Buzovna, Zuğulba, Pirşağı, Bilgəh, Nardaran, Türkan, Hövsan, Novxanı çimərliklərində, o cümlədən göl və digər su hövzələrində baş verib.