Xəbərlər

ABŞ-ın Azərbaycandakı səfirliyi müvəqqəti olaraq viza verilməsi prosesini dayandırıb.

Bu barədə ERtv-yə ABŞ-ın Azərbaycandakı səfirliyinin mətbuat xidmətindən bildiriblər.

Buna səbəb ABŞ-ın pasport-viza sistemində yaranmış texniki nasazlıqdır.

Səfirlikdən bildiriblər ki, problemin bir hissəsi artıq aradan qaldırılıb, hazırda tam həll olunması üçün işlər davam etdirilir.

Qeyd edək ki, ABŞ texniki nasazlıq üzündən bütün dünyada vizaların verilməsi prosesini dayandırıb.