Xəbərlər

Ötən sutka ərzində Luqanskda silahlı toqquşmalar zamanı 9 dinc sakin ölüb, daha 29 nəfər yaralanıb.

ERtv Ukrayna mətbuatına istinadən xəbər verir ki, bu barədə şənbə günü səhər Luqansk şəhər şurası məlumat yayıb.

"Ötən sutka ərzində silahlı toqquşmalar nəticəsində 9 dinc sakin ölüb, 29 nəfər odlu silah yarası və zədə alıb", - deyə məlumatda bildirilir.

Məlumatda qeyd olunur ki, şəhərin bəzi əraziləri, həmçinin  Artyomovski, Jovtnev, Kamennobrodski və Lenin rayonları artileriya atəşinə məruz qalıb.

"Mərminin Lenin küçəsində yerləşən 7 saylı məktəbdəki sığınacaq yaxınlığına düşməsi nəticəsində ölənlər olub", - deyə şəhər şurasının saytında bildirilib.