Xəbərlər

“Real Madrid” klubu “Monako”nun futbolçusu Xames Rodriqesin transferini rəsmiləşdirib.

ERtv klubun rəsmi saytına istinadən xəbər verir ki, dünən tibbi müayinədən keçən kolumbiyalı futbolçu ilə 6 illik müqavilə imzalanıb.

“Real Madrid” bu transferin reallaşması üçün futbolçunun məxsus olduğu “Monako” klubuna 88 milyon avro ödəyib. Kral klubu bununla da əzəli rəqibi “Barselona”nın 88 milyon avroya Luis Suarezi aldığı transferə də cavab vermiş olub.

23 yaşlı futbolçu yeni komandasında 10 nömrəli formanı geyinəcək.

Qeyd edək ki, X.Rodriqes Kolumbiya millisinin heyətində 6 qolla “DÇ-2014”ün bombardiri olub.