Xəbərlər

Mətbuatda “Sevil Massivi”nin bağlanması ilə bağlı müxtəlif məlumatlar yayılıb.

ERtv-nin verdiyi xəbərə görə, buna isə aylıq ödəniş edə bilməyən həmin massivdəki ev sahiblərinin təşvişi səbəb olub.

Şirkət tərəfindən yayılan xəbərlərə aydınlıq gətirilərək hazırda massivdə yoxlamalar aparıldığını və yoxlama bitdikdən sonra işin əvvəlki qaydada davam edəcəyini bildiriblər.

“İlk öncə bildiririk ki, “Sevil Massivi” MTK dövlət tərəfindən qeydiyyatdan keçmiş və öz fəaliyyət sahəsi ilə məşğul olan şirkətdir. Hazırda “Sevil Massivi”ndə vergi yoxlamaları getdiyi üçün ofisdə və massivdə işlər bir müddətlik dayandırılıb. Məsələ həll olunur. Bu məsələ dövlətin massivimiz üzərində nəzarətinin olmasının sübutudur və bizim xeyrimizədir. Yazılanların heç bir əsası yoxdur. Əhalinin təşvişə düşməsi üçün heç bir səbəb yoxdur. Tezliklə ofisimiz fəaliyyət göstərəcək və müştərilər əvvəlki kimi ödənişlərini edə biləcəklər”.