Xəbərlər

Tanınmış teleaparıcı, bir çox uğurlu layihələrə imza atmış Ülvira Qarayeva yenidən ANS-in efirində aparıcılıq fəaliyyətinə başlayacaq.

ERtv-nin ANS PRESS-ə istinadən xəbərinə görə, aparıcı bu barədə mətbuatda yayılan məlumatları sosial şəbəkədəki şəxsi səhifəsində şərh edərkən məlumat yayıb.

Məlumata görə, Ülvira Qarayeva həftə içi 5 gün yayımlanan, əsasən xanımları maraqlandıran mövzuları əhatə edən “Evdəyik” proqramının aparıcılığını öz öhdəsinə götürüb.

Xatırladaq ki, Ülvira Qarayeva daha əvvəl ANS-in efirində "Toy olsun" verilişinin aparıcısı olub və tamaşaçıların böyük rəğbətini qazanıb.