Xəbərlər

Mədəniyyət və Turizm Nazirliyinin dəstəyi, Azərbaycan Bəstəkarlar İttifaqının və Şəki Şəhər İcra Hakimiyyətinin birgə təşkilatçılığı ilə Şəkidə keçirilən “İpək Yolu” V Beynəlxalq musiqi festivalının yaratdığı rezonans səngimək bilmir.

ERtv xəbər verir ki, bu möhtəşəm musiqi bayramını yüksək qiymətləndirən TÜRKSOY-un baş katibi Düsen Kaseinov Azərbaycan Bəstəkarlar İttifaqının ünvanına 4 fəxri fərman göndərib.

Bəstəkarlar İttifaqından Gün.Az-a bildirilib ki, mükafatlar “İpək Yolu” Beynəlxalq musiqi festivalının təşkilat komitəsinin üzvləri – festivalın rəhbəri, Xalq Artisti Firəngiz Əlizadəyə, festivalın eksperti, professor Cəmilə Həsənovaya, festivalın beş illiyinə həsr edilən bukletin tərtibatçısı Xanlar Novruzova və festivalın əlaqələndiricisi Rüfət Ramazanova təqdim edilib.

Bu gözlənilməz mükafat Azərbaycan Bəstəkarlar İttifaqının məhsuldar əməyinə verilən qiymətdir. Bu diqqət ittifaqın üzvlərini musiqi festivallarında daha ciddi və həvəslə hazırlaşmağa sövq edir.