Xəbərlər

Nyu-York sakini Cabbar Kollinz 3 milyon dollar həcmində təzminat alacaq.

ERtv İTAR-TASS-a istinadən xəbər verir ki, məhkəmənin səhvi səbəbindən o, 15 ilini həbsxanada keçinib.

O, cümə axşamı Nyu-York ştatının prokurorluğu ilə məhkəmədən kənar saziş imzalayıb. Müqailəyə görə, 3 milyon dollar həcmində təzminat alacaq.

Hazırda 42 yaşı olan Kolinnz 1994-cü ildə qarət etmək məqsədi ilə yəhudi ravvini qətlə yetirməkdə şübhəli bilinərək həbs olunub. Amerikalı dərhal günahsız olduğunu bildirsə də, xeyri olmayıb. Lakin məhkəmədə iki şahid çıxış edib və Kollinzin qətl yerini necə tərk etdiyini gördüklərini bildirib.

Yekunda kişi müqəssir bilinib və ona ömürlük həbs cəzası kəsilib. Lakin amerikalı həvəsdən düşməyib.

O həbsxana kitabxanasına yazılıb və hüquqşünaslığı öyrənməyə başlayıb. Daha sonra cinayət işinin materiallarını tələb edib və bir neçə dəfə appelyasiya şikayəti edib. Yekunda o prokurorluğun şahidləri yalan ifadə verməyə məcbur etdiyini sübuta yetirib. 2010-cu ildə məhkəmə yeni faktları araşdırdıqdan sonra Kollinzi sərbəst buraxıb.