Xəbərlər

Azərbaycanın rabitə və yüksək texnologiyalar naziri Əli Abbasov Dünya Kuboku çərçivəsində dünən keçirilən Braziliya-Almaniya yarımfinal matçına (1:7) münasibət bildirib.

ERtv xəbər verir ki, “ADA” Universiteti və Qlobal Biznes və Texnologiya Assosiasiyasının birgə təşkilatçılığı ilə “Qloballaşan dünyada idarəetmə: Biznes və texnologiya sahəsində irəliləyişlər” mövzusunda XVI beynəlxalq konfransında çıxış edən nazir Braziliyanın acısına şərik çıxıb:

“Mən bilirəm ki, indi hamı dünən Dünya Çempionatında milyonda bir  baş verən möcüzənin təsiri altındadır. Buradakı insanların, Braziliyaya azarkeşlik edənlərin indi qəmgin olduğunu bilirəm. Amma hər məğlubiyyət gələcəkdə daha böyük uğur qazanmağa şans yaradır. İnanıram ki, Braziliya gələcəkdə dünya çempionatında böyük uğurlar qazana biləcək”.