Xəbərlər

Azərbaycan və Ermənistan prezidentləri İlham Əliyev və Serj Sarkisyan Fransa prezidenti Fransua Ollandın dəvətini qəbul edərlərsə, onların Parisdə görüşü keçiriləcək.

ERtv ANS PRESS-ə istinadən xəbər verir ki, bu barədə ABŞ dövlət katibi köməkçisinin müavini Brent Hartli məlumat yayıb.

O bildirib ki, “Dağlıq Qarabağ problemi ilə ATƏT-in Minsk qrupu məşğul olduğundan biz Azərbaycan və Ermənistana danışıqların müsbət nəticələnməsi üçün kömək etməliyik”.

Brent Hartlinin sözlərinə görə, həmçinin İsveçrə prezidenti Burkhalterin sülh danışıqlarına daha da yaxınlaşmaq üçün əməli işə keçmək çağırışı dəstəklənməlidir.

“Azərbaycanlılarla ermənilər arasında əlaqələrin qurulması sülhün tez əldə olunmasına dəstək verə bilər. ABŞ Minsk qrupunun həmsədri kimi bu prosesin yüksək səviyyədə davam etdirilməsində çox maraqlıdır”, - deyə Dövlət Departamentinin rəsmisi vurğulayıb.