Xəbərlər

Elektron ödəniş sistemi olan “Milli Ödəmə Nöqtələri”ndə “E-Topaz” istifadəçiləri üçün problem yaranıb.

ERtv xəbər verir ki, şənbə günündən etibarən, “E-topaz” elektron bukmeker şirkətinin abunəçilərinin “Milli ÖN” vasitəsilə öz hesablarına keçirdikləri vəsait balansa oturmur.

Sistem istifadəçilərinin məlumatına görə, “Milli ÖN” ödəmə aparatlarında əməliyyat aparmalarına və hətta pulun hesaba oturmasına dair qəbzin çap edilməsinə baxmayaraq, ödənən vəsait “E-topaz” hesablarında əks olunmur.

Problemlə üzləşən “E-topaz” istifadəçilərinə “Milli ÖN”-ün qaynar xəttindən bildiriblər ki, sistemdə problem yaranıb və pullar şənbə günü ərzində hesaba oturacaq.

Lakin nə şənbə, nə də bazar günləri, eyni zamanda, bu gün də saat 10-00-a qədər “E-topaz” istifadəçilərinin “Milli ÖN” sistemində üzləşdikləri problem həll olunmayıb.