Xəbərlər

Normal çəkidə olan bir insanın rahatlıqla edə bildiklərini onun bacarmamasının tək səbəbi 445 kiloqram ağırlıqda olmasıdır.

ERtv-nin dünya mətbuatına istinadən verdiyi xəbərə görə, artıq çəkidən əziyyət çəkən bu şəxs son olaraq arıqlamaq üçün 24 yumurtalı omletindən belə imtina etsə də bu heç bir nəticə verməyib.

İki ildir yatağa əsir olan bu şəxs 10 ildir evdən çıxa bilmir. Onun illik xərci təxminən 56 min 503 dollar təşkil edir.

Mütəxəssislər Keyt Martinin bədən çəki indeksinin 155 olduğunu bunun da onu mega obez kateqoriyasına saldığını açıqlayırlar.

Sağlam bir insanın bədən çəki indeksinin 18,5-24,9 arasında olmasını düşününcə bu rəqəmin nə qədər dəhşətli olduğu gözlər önünə gəlir.

Keyt gənclikdə normal insanlarla eyni çəkiyə sahib olduğunu, anasının vəfatından sonra isə çoxlu yemək yeməyə başladığını və özünü yeməkdən dayandırmayaraq bu hala gəldiyini deyir.