Xəbərlər

Azərbaycanda sabahdan hava mülayimləşəcək, yağıntı kəsəcək, temperatur yüksələcək.

ERtv xəbər verir ki, bu barədə Ekologiya və Təbii Sərvətlər Nazirliyi Milli Hidrometeorologiya Departamentindən məlumat verilib.

Sabah gündüzdən ölkə ərazisində küləyin sürəti zəifləyəcək, havanın temperaturu da ötən günlərlə müqayisədə yüksələcək.

Bundan başqa, Ekologiya və Təbii Sərvətlər Nazirliyinin Milli Hidrometeorologiya Departamenti iyunun 29-30-da ölkə ərazisində müşahidə olunan hava şəraiti haqqında da  məlumat yayıb.

Qeyd olunub ki,  əvvəlcədən xəbər verildiyi kimi, Bakı və Abşeron yarımadasında iyunun 29-da əsən güclü şimal-qərb küləyi iyunun 30-da daha da şiddətlənib.

Küləyin maksimal sürəti 28-30 m/s-yə çatıb. Ayrı-ayrı rayonlarda isə qərb küləyinin sürəti 16-28 m/s təşkil edib.

Əksər bölgələrdə yağış yağıb, şimşək çaxıb. Düşən yağıntının miqdarı Böyük Qafqazda 9-18, bəzi ərazilərdə 26-45, Kiçik Qafqazda 3-8, Mərkəzi Aran rayonlarında 2-6 mm təşkil edib.