Xəbərlər

“Mançester Yunayted” yeni mövsüm üçün ikinci transferini gerçəkləşdirib.

ERtv xəbər verir ki, “Mançester Yunayted” son mövsüm “Sauthempton”da oynayan Lyuk Şounu heyətinə cəlb edib. İngiltərə millisinin 18 yaşlı müdafiəçisi ilə 4 illik müqavilə imzalanıb.

Britaniya mətbuatı yazıb ki, “MY” L.Şounun transfer üçün təqribən 38 milyon avro (30 milyon funt-sterlinq) ödəyib. Bununla da, L.Şou “MY” tarixinin ən bahalı gənc futbolçusu olub. Bundan əvvəl klub Runini 18 yaşında transfer edən vaxt 30 milyon avro təzminat ödəmişdi.

Xatırladaq ki, “MY” dünən “Atletik”dən (Bilbao) Ander Herreranı heyətinə cəlb edib.