Xəbərlər

Lənkəranda 70 yaşlı kişi dənizdə çimərkən boğulub.

ERtv APA-ya istinadən xəbər verir ki, bu barədə Fövqəladə Hallar Nazirliyinin (FHN) Dövlət Sularda Xilasetmə Xidmətinin Cənub Dalğıc Qrupunun rəhbəri İlkin Ağayev məlumat verib.

Xəbərə görə, Lənkəran şəhər sakini, 1944-cü il təvəllüdlü  Akif Yunus oğlu Tağıyev iyunun 22-də saat 18.30 radələrində dənizdə çimərkən boğulub.

FHN-in Dövlət Sularda Xilasetmə Xidmətinin Cənub Dalğıc Qrupunun dalğıclarının axtarışları sayəsində A.Tağıyevin cəsədi tapılaraq sudan çıxarılıb və aidiyyəti yerə təhvil verilib.

Faktla bağlı araşdırma aparılır.