Xəbərlər

Bu ilin yanvar-may ayları ərzində Azərbaycan 133 dövlətlə 12 mlrd. 989 mln. 207 min dollar məbləğində ticarət əməliyyatı aparıb.

ERtv Dövlət Gömrük Komitəsinə istinadən xəbər verir ki, bu göstərici keçən ilin müvafiq dövrünə nisbətən 12% azalıb.

Azərbaycanın ticarət dövriyyəsinin 9 mlrd.479 mln. 327 min dolları ixracın, 3 mlrd. 509 mln. 880 min dolları idxalın payına düşüb.

Beləliklə, yanvar-may aylarında Azərbaycanın ticarət dövriyyəsində 5 mlrd. 969 mlrd. 446 min dollar məbləğində müsbət saldo yaranıb.

Hesabat dövründə ixrac əməliyyatları keçən ilin müvafiq dövründən 8%, idxal əməliyyatları isə 19% azalıb.

İlin beş ayında 5 037 çeşiddə mal idxal olunub, 1 438 çeşiddə isə mal ixrac olunub.

İdxal əməliyyatlarının 2 mlrd. 428 mln. 507 min dolları özəl sektorun, 956 mln. 114 min dolları dövlət sektorunun, 125 mln. 258 min dolları fiziki şəxslərin payına düşüb.

İxrac əməliyyatlarının isə 8 mlrd. 981 mln. 976 min dolları dövlət sektoru vasitəsilə, 446  mln. 581 min dolları özəl sektor vasitəsilə, 50 mln. 768 min dolları fiziki şəxslər vasitəsilə həyata keçirilib.