Xəbərlər

Braziliyada dünən başlayan futbol üzrə Dünya Çempionatının açılış oyununda ev sahibləri Xorvatiya yığmasına qalib gəldilər.

ERtv xəbər verir ki, oyun ev sahibləri üçün heç də yaxşı başlamayıb.

Belə ki, artıq 10-cü dəqiqədə braziliyalı Marselo topu öz qapısına yönəldib.

19 dəqiqə sonra isə Braziliya yığmasının hücumçusu Neymar gözəl zərbə ilə hesabı bərabərləşdirib.

Daha sonra ikinci hissədə, 71-ci dəqiqədə Neymar şübhəli təyin edilən 11 metrlik cərimə zərbəsindən mundial sahiblərini hesabda irəli çıxarıb.

Oyunda son nöqtəni Oskar qoyub. Onun oyuna əlavə edilən dəqiqədə vurduğu qol, maçın yekun nəticəsini müəyyən edib – 3:1.