Xəbərlər

Yanvar-aprel aylarında qida, içki və tütün məmulatlarının istehsalı müəssisələri tərəfindən 871,2 mln. manat həcmində məhsul istehsal edilib.

ERtv-nin Dövlət Statistika Komitəsinə istinadən verdiyi xəbərə görə, əvvəlki ilin yanvar-aprel ayları ilə müqayisədə qida məhsullarının istehsalında 3,2 faiz, tütün məmulatlarının istehsalında 11,6 faiz artım, içki istehsalında isə 7,9 faiz azalma müşahidə olunub.

Bu müddətdə 2,9 min dkl şampan şərabı, 198,5 min dkl üzüm şərabı, 1300,4 min dkl pivə istehsal olunub. Beləliklə də ötən ilin müvafiq dövrü ilə müqayisədə üzüm şərabı istehsalında  31 faiz artım qeydə alınıb. Əksinə şampan şərabı və pivə istehsalında isə müvafiq olaraq 58,6 faiz  və 17,5 faiz azalma müşahidə olunub.

Alkoqolsuz içki istehsalı da illik 2,4 faiz azalaraq 5 372,2 min dkl-ə, araq istehsalı isə 29,4 faiz azalaraq 218,2 min dkl-ə düşüb.