Xəbərlər

23 may 2014-cü il tarixdə Kipr Respublikasının Nikosiya şəhərində Avropa Olimpiya Komitəsinin 35-ci Seminarı keçiriləcək.

ERtv gənclər və idman nazirliyinin mətbuat xidmətinin rəhbəri Səmayə Məmmədovayaistinadən xəbər verir ki, 24 may tarixinədək davam edəcək iclasda Azərbaycanı  gənclər və idman naziri Azad Rəhimov təmsil edəcək.
 
Avropa Olimpiya Komitəsinin Prezidentinin sədrliyi ilə hər il keçirilən bu tədbirdə qurumun Icraiyyə Komitəsinin üzvləri, 49 ölkənin Milli Olimpiya Komitələrinin Prezidentləri, Baş katibləri, nümayəndə heyətlərinin rəhbərləri (Şef de Missionlar) və digər nümayəndələr iştirak edir.
 
Qeyd edək ki, tədbir çərçivəsində 2015-ci ildə Bakıda keçiriləcək I Avropa  Oyunları barədə hesabat veriləcək və  hazırlıq işləri ilə bağlı müzakirələr aparılacaq.