Xəbərlər

Çinin Sincan Uyğur Muxtar Vilayətində partlayış baş verib.

ERtv Türkiyə mətbuatına istinadən xəbər verir ki, partlayış səhər yerli vaxtla 07:50-də vilayətin paytaxtı Urumçidə baş verib.

Hadisə şahidlərinin bildirdiyinə görə, iki avtomobil insanların çox olduğu əraziyə daxil olan zaman partlayıb. Partlayışdan sonra avtomobillərdən çıxan hissələr ətrafa ziyan verib. Ərazidə güclü duman yaranıb.

Hadisə zamanı ölən və yaralananların olduğu açıqlansa da dəqiq say bildirilməyib. Onlar təcili olaraq xəstəxanalara aparılıb.

Xatırladaq ki, aprelin 30-da Urumçi şəhərində dəmiryolu vağzalında törədilən partlayış nəticəsində 3 nəfər ölmüş, 79 nəfər xəsarət almışdı.

Qeyd edək ki, Urumçidə əsasən uyğur türkləri yaşayır. Burada müsəlmanlara qarşı tez-tez təzyiqlər olur, həbs edilirlər, öldürülürlər.