Xəbərlər

“Mançester Yunayted”in yeni baş məşqçisi rəsmən müəyyənləşdi.

ERtv xəbər verir ki, sezonu ciddi uğursuzluqla bitirən, hətta növbəti sezonda Çempionlar Liqasında olmayacaq Mançester təmsilçisi buna son qoymaq üçün yeni məşqçi ilə razılaşıb.

Klubun rəsmi saytından məlumat verilib ki, yeni mövsümdən komandanı Lui van Qal çalışdıracaq.

Hazırda Hollandiya yığmasında baş məşqçi vəzifəsini yerinə yetirən 62 yaşlı mütəxəssis “Mançester Yunayted”lə 3 illik müqavilə imzalayıb. O, Braziliyada keçiriləcək dünya çempionatından sonra “qırmızı şeytanlar”ın sükanı arxasına keçəcək. Van Qalın köməkçisi isə Rayan Giqqz olacaq.

Qeyd edək ki, mövsümün əvvəlində David Moyeslə anlaşan, lakin uğursuzluqdan sonra səbr kasası dolan klub rəhbərliyi sezon bitməmiş onunla yolları ayırmışdı. Premyer Liqanın son bir neçə matçı üçün isə klubun əfsanəvi oyunçusu Rayan Giqqz oynayan məşqçi kimi klubun sükanı arxasına keçmişdi.