Xəbərlər

Əfsanəvi idmançı, “Formula-1” yarışları üzrə üçqat çempion Cek Brebhem vəfat edib.

ERtv axar.az-a istinadən xəbər verir ki, Brebhem uzun sürən xəstəlikdən sonra Avstraliyada yaşadığı evdə 88 yaşında ölüb.

“Bu bizim üçün çox kədərli xəbər oldu. Mənim atam 88 yaşında vəfat etdi”, - deyə idmançının oğlu bildirib.

Qeyd edək ki, Bredhem F-1 yarışlarında ilk dəfə 1955-ci ildə çıxış etmişdi. 1959 və 60-cı ildə “Kuper” komandasının, 66-cı ildə isə özünün yaratdığı “Brebhem” komandasının tərkibində çempion olub.

Brebhem həmçinin, Britaniya imperiyasının ordeni ilə də təltif olunub.