Səhiyyə naziri Oqtay Şirəliyev qaraciyərində ciddi problem olan İnterAz telekanalının əməkdaşı Nizami Eyvazovun müalicə və əməliyyatı Neftçilər Xəstəxanasında pulsuz şəkildə dövlət hesabına gerçəkləşməsi barədə sərəncam verib.

ERtv xəbər verir ki, bu barədə millət vəkili Qənirə Paşayeva “facebook”da olan profil səhifəsində yazıb.

“Bir az əvvəl Səhiyyə Nazirliyi Tibbi yardımın təşkili şöbəsinin müdiri Gülmirzə Poladovla danışdım və o bildirdi ki, bu dəqiqələrdə Nizami qardaşımız Neftçilər Xəstəxanasına köçürüləcək və cənab nazirin göstərişi ilə onun tam sağalması üçün hər şey dövlət hesabına həyata keçiriləcək”, - Q.Paşayeva yazıb.