Xəbərlər

Türkiyədəki faciənin qurbanlarının sayı 298 nəfərə çatıb.

ERtv xəbər verir ki, Türkiyənin Manisa şəhərinin Soma bölgəsində kömür mədənində baş vermiş faciədə ölənlərin axtarışları davam etdirilir.

Türkiyənin enerji və təbii sərvətlər naziri Taner Yıldız Bakı vaxtı ilə gecə 03:00 radələrində verdiyi açıqlama bildirib ki, daha öncə 284 nəfərin cəsədi çıxarılmışdı.

Axşam saatlarında aparılan axtarış tədbirləri nəticəsində daha 13 nəfərin cəsədi müəyyənləşdirilib.

Nazirin sözlərinə görə onlardan 6 nəfərin cəsədi çıxarılıb, digər 8 işçinin cansız bədənin çıxarılması üçün iş aparılır.

T.Yıldız son olaraq mədəndə 2-3 nəfərin qaldığını və hazırda onların tapılması üçün axtarış tədbirlərini  aparıldığını söyləyib.

Qeyd edək ki, partlayış baş verərkən mədəndə 787 işçi olub. Onlardan 360 nəfəri dərhal xilas ola bilib, 120 nəfəri isə müxtəlif dərəcəli bədən xəsarətləri alıblar.