Xəbərlər

Bu gün Naxçıvan Muxtar Respublikasında Türkiyənin Soma şəhərində kömür mədənində baş vermiş faciə ilə bağlı radioların fəaliyyətinə fasilə verilib.

ERtv-nin məlumatına görə, televiziyalarda isə konsert və musiqi, yaxud da əyləncəli proqramlar digər proqramlarla əvəz olunub.

“Türkiyənin Manisa vilayətinin Soma kəndində baş vermiş acı hadisə ilə əlaqədar olaraq “Naxçıvanın səsi” Radiosu 15 may tarixli efir yayımını dayandırıb, “Kanal 35” Televiziyası isə bu günə olan efir proqramında konsert və əyləncə yönümlü təqdimatlar dəyişdirib”, məlumatda deyilir.

Qeyd edək ki, Türkiyədə kömür mədənində baş vermiş partlayış nəticəsində ölənlərin sayı 280-ni keçib.

Faciə ilə əlaqədar Türkiyədə üçgünlük matəm elan olunub.