Xəbərlər

Mayın 18-24-də məcburi köçkünlərin insan hüquqları üzrə BMT-nin xüsusi məruzəçisi Çaloka Beyani ölkədə məcburi köçkünlərin (MK) ümumi vəziyyətini araşdırmaq üçün Azərbaycana səfər edəcək.

BMT-nin Azərbaycan Nüamyəndəliyindən ERtv-yə verilən məlumata görə, o,  Bakı və Sumqayıt şəhərlərində yerləşən məcburi köçkünləri və çox sayda məcburi köçkünlərin məskunlaşdığı qəsəbələri ziyarət edəcək.

Səfərlə əlaqədar Beyani bunu qeyd edib ki, yeddi gün ərzində məcburi köçkünlər və təsirə məruz qalmış icmalar da daxil olmaqla bütün maraqlı tərəflərlə görüşüb, birinci əldən məlumat toplayacaq .

“Mən həmçinin Azərbaycanda məcburi köçkünlərin problemləri üzrə cari problemlər və imkanlar ilə tanış olacam, MK-ların müdafiəsi və onlara yardım ilə əlaqədar əldə olunan nailiyyətləri müzakirə edəcəyəm”-, deyə, o əlavə edib.

Xüsusi Məruzəçi digər tərəflərlə bərabər Azərbaycan Hökuməti, BMT tərəfdaşları və vətəndaş cəmiyyətinin nümayəndələri ilə görüşlər keçirəcək. O, həmçinin bir sıra köçkün qəsəbələrə səfər edəcək, məcburi köçkünlər və yerli hakimiyyət orqanları ilə görüşəcək.