Xəbərlər

Azərbaycanın Türkiyədəki səfirliyi “Sabah” qəzetinin 6 may tarixli sayında dərc olunmuş “Çırpınırdı Qara dəniz” mahnısının erməni əsilli Sayat Nova adlı xalq ozanına məxsus olduğuna dair xəbərə etiraz edib.

ERtv-yə ölkəmizin Türkiyədəki səfirliyindən verilən məlumata görə, səfirliyin açıqlamasında həmin xəbərdə qərəzli fikrin irəli sürüldüyü vurğulanıb.

Xəbərdə həmçinin, Türkiyə Mədəniyyət və Turizm Nazirliyinin Sayat Novanın əsərləri ilə bağlı cari ilin iyun ayında kitab nəşr etmə planından da bəhs olunub.

Azərbaycanın Türkiyədəki səfirliyi, Azərbaycan Müəllif  Hüquqları Agentliyindən əldə etdiyi məlumatlara əsasən, məsələ ilə bağlı olaraq 6 may tarixində “Sabah” qəzetinin redaktoru Erdal Şafaka və Türkiyə Mədəniyyət və Turizm Nazirliyinə müvafiq müraciətləri ünvanlanıb.

Səfirlik ayrıca olaraq Azərbaycan Respublikası Müəllif Hüquqları Agentliyinin verdiyi məlumatlara əsasən cari ilin 9 may tarixində məsələ ilə bağlı KİV-ə bəyanat da verib. Türkiyənin müxtəlif mətbuat orqanlarında səfirliyin sözügedən bəyanatı yayımlanıb.

Səfirlikdən bildiriblər ki, Türkiyə Mədəniyyət və Turizm Nazirliyinin Sayat Novanın əsərləri ilə bağlı cari ilin iyun ayında nəşr etməyi planladığı qeyd olunan kitab səfirliyin diqqət mərkəzindədir.