Xəbərlər

Bakıda avtobus sərnişinləri qadını təhqir edən sürücü ilə dalaşdılar.

ERTv 1news.az-a istinadən xəbər verir ki, insident 33 saylı marşrut avtobusunun sərnişinləri ilə sürücüsü arasında baş verib.

Hadisə şahidlərinin sözlərinə görə, sürücü yol boyu sürəti artırıb qəflətən əyləci basırmış, manevr edirmiş. Sərnişinlərdən biri sürücüdən sürəti azaltmağı, yol hərəkəti qaydalarını pozmamağı xahiş edib. Sürücü isə qadına kobud və təhqiramiz şəkildə cavab verib və bildirib ki, maşını necə sürmək onun öz işidir. Bundan sonra digər sərnişinlərin səbir kasası daşıb və onlar sürücü ilə dava etməyə başlayıblar. Davanın qarşısını hadisə yerinə gələn polis əməkdaşları alıblar.

Bununla belə sərnişinlər sürücünü qadından üzr istəməyə vadar ediblər.