Xəbərlər

Yanvar-mart aylarında “Azərsu” Açıq Səhmdar Cəmiyyətinin xidmət göstərdiyi abunəçilərin sayı 29.5 min abunəçi və ya 2,4 faiz artıb.

ERtv quruma istinadən xəbər verir ki, aprelin 1-nə olan məlumata görə, ölkə üzrə 1 mln. 247 min 652 abunəçi su  və kanalizasiya xidmətlərinin  istifadəçisi  kimi qeydiyyata  alınıb.

İstehlakçıların 1 mln. 205 min 387-i və ya 96,6  faizi  əhali, 42 min 265-i və ya 3,4 faizi isə qeyri-əhali qrupu abunəçiləridir.

2014-cü ilin birinci rübündə əhali qrupu abunəçilərinin sayı 2,4 faiz, qeyri-əhali qrupu abunəçilərinin sayı isə 3,3 faiz artıb.

Qeyd olunub ki, hesabat dövründə abunəçi sayında artım nəzarət tədbirlərinin gücləndirilməsi, qeyri-qanuni qoşulmaların rəsmiləşdirilməsi, həmçinin yeni abunəçilərin qeydiyyata alınması hesabına baş verib.

“Azərsu” ASC-nin  sayğacla təmin olunmuş abunəçilərinin sayı 673 min 287-ə çataraq  sayğaclaşma səviyyəsi 54,5 faiz təşkil edib.