Xəbərlər

Şəmkir və Hacıqabulda boğulma halları qeydə alınıb.

ERtv Daxili İşlər Nazirliyinin (DİN) saytına istinadən xəbər verir ki, Şəmkir rayonu Bayramlı kənd sakini Şəhriyar Hidayətli Kür çayının Şəmkir rayonunun ərazisindən keçən hissəsində çimərkən boğulub.

Digər hadisə isə Hacıqabulda baş verib.

Rayonun 1-ci Udulu kəndində Rəvanə Qocayeva ehtiyatsızlıq nəticəsində süni yaradılmış gölə düşərək boğulub.

Hər iki meyit sudan çıxarılaraq aidiyyəti üzrə təhvil verilib.

Qeyd edək ki, Azərbaycanda çimərlik mövsümü rəsmi olaraq hələ açılmayıb.