Xəbərlər

Türkiyənin mərhum müğənnisi Barış Mançonun oğlunu döyüblər.

ERtv ANS PRESS-ə istinadən xəbər verir ki, Barış Mançonun oğlu Doğukan Manço səhnəyə çıxdığı restoranın sahibi və mühafizə xidməti tərəfindən döyülüb.

Manço döyülməsi barəsində öz Twitter səhifəsində məlumat paylaşıb: “Səhnəyə çıxmayacam. Səhnəyə çıxdığım restoranın sahibi və mühafizə xidmətinin işçiləri bu gecə məni döydülər. Məni xəstəxanaya apardılar. Səs məşqi edirdim. Məni səhnədən uzaqlaşdırdılar. Daha sonra yenidən ora çıxmağımı tələb etdilər. Sonra məni döydülər. Dostlar indi mən yaxşıyam”.