Xəbərlər

İranın Milli İnkişaf Fondu Suveren Fondların Beynəlxalq Forumu çərçivəsində Azərbaycan Dövlət Neft Fondunun təcrübəsini öyrənmək istəyir.

Neft Fondundan ERtv-yə verilən məlumata görə, bu məqsədlə İran Milli İnkişaf Fondunun Direktorlar Şurasının üzvü və sədr müavini Seyid Qasem Hüseyninin başçılıq etdiyi nümayəndə heyəti Azərbaycanda səfərdə olub.

Səfərin məqsədi, həmçinin Azərbaycan Dövlət Neft Fondunun  fəaliyyəti ilə daha yaxından tanış olmaq, Santyaqo Prinsiplərinə əməl edilməsi və bu sahədə hesabatlılıq prosesi ilə daha yaxından tanış olmaqdan ibarət olub.

Səfər çərçivəsində İran nümayəndə heyəti və Azərbaycan Dövlət Neft Fondunun rəhbərliyi arasında ikitərəfli görüşlər keçirilib.