Xəbərlər

Sahibkarlarla gömrük orqanlarının birgə fəaliyyəti üçün hökumətə müəyyən təkliflər verilib.

ERtv xəbər verir ki, bunu Dövlət Gömrük Komitəsinin sədri Aydın Əliyev Xəzər Avropa Klubunun tədbirində jurnalistlərə açıqlamasında deyib.

Onun sözlərinə görə, bunlar qanunverici aktlarla bağlıdır.

Komitə sədri qeyd edib ki, bunlardan birincisi, Gömrük Məcəlləsidir, ikincisi, də məcəllə ilə bağlıdır və bir az qlobaldır.

“Birinci təklifdə məcəllədə yüklərin sənədlərinin rəsmiləşdirilməsinin 72 saat ərzində başa çatdırılması qeyd olunub. İkincisi isə, ölkə başçısının 1997-ci ildə “Xarici ticarətin daha da liberallaşdırılması ilə bağlı” Fərmana ediləcək dəyişikliklərlə bağlıdır” - deyə, o əlavə edib.

Onun sözlərinə görə, axırıncı ən vacib təklif isə gömrük orqanlarına təqdim olunan sənədlərlə bağlıdır.

“Bu sənədlərin qanun çərçivəsində təqdim olunması üçün verilən təkliflərin tənzimlənməsi təklif olunur. Bu, ən vacib məsələlərdən biridir” -, komitə sədri əlavə edib.