Xəbərlər

Yaponiya hökuməti 29 aprel, çərşənbə axşamı Rusiyaya qarşı yeni sanksiyalar tətbiq edəcəyini elan edib.

ERtv Lenta.ru-ya istinadən xəbər verir ki, sanksiyalar Ukraynadakı vəziyyətlə əlaqədar olaraq 23 nəfərə qarşı tətbiq olunacaq.

Lakin Yaponiyaya girişi qadağan olunan şəxslərin milliyyəti hələ ki, dəqiqləşdirilməyib.

“Yaponiya  hökuməti Ukraynanın suverenliyi və ərazi bütövlüyünün pozulması, həmçinin, Krımın anneksiyası ilə bağlı Rusiyanın fəaliyyətindən dərin narahatlığını ifadə edir” – Yaponiya xarici işlər naziri Fumio Kisidanın bəyanatında deyilir.

Bununla yanaşı, nazir sanksiyaların tətbiq olunduğu insanların adını açıqlamayıb və onların rusiyalı olduqlarını birbaşa söyləməyib.

Xarici İşlər Nazirliyindən əlavə ediblər ki, Yaponiyanın bu siyahısı ABŞ və Avropa İttifaqının analoji siyahısı əsasında tərtib olunub.