Xəbərlər

1912-ci ilin aprelində ilk və son səyahəti zamanı Atlantik okeanında batmış «Titanik» gəmisinə aid növbəti eksponat hərraca çıxarılır.

Bu dəfə söhbət «Titanik» gəmisinin sərnişini olan bir qadının gəmi batmazdan bir neçə saat əvvəl yazdığı məktubdan gedir.

ERtv  ANS PRESS-ə istinadən xəbər verir ki, məktub Ester Hart adlı qadından onun Londonda yaşayan anasına ünvanlanıb. Həmin məktub qadının gəmi faciəsi zamanı həlak olmuş həyat yoldaşının paltosunun cibindən tapılıb. Həyat yoldaşı isinmək üçün paltonu Ester Harta verdiyi üçün, gəmi faciəsindən 7 yaşlı qızı ilə sağ qurtulan qadının cibində salamat qalıb.

Britaniyalı ekspertlərin qiymətləndirməsinə görə, «Titanik»in son saatlarını əks etdirən bu məktub hərracda 150 min dollara satıla bilər.