Xəbərlər

Hazırda torpaq bazarında ən aktiv rayonlar Xəzər, Abşeron, Sabunçu, Qaradağ və Suraxanı rayonları, ən passiv rayon isə Nəsimi və Nərimanov rayonlarıdır.

ERtv xəbər verir ki, “MBA Consulting Group”un mütəxəssislərinin araşdırmasına görə, ötən ilin mart ayında olduğu kimi, bu ilin mart ayında da yay fəslinin yaxınlaşması ilə əlaqədar torpaq bazarında aktivlik və qiymətdə artım müşahidə olunub.

Torpaq bazarında aparılan müşahidələrin nəticəsinə görə torpaq sahələrinin satış müddəti (ekspozisiyası) ötən aya nisbətən -0,63% azalıb.

 Mart ayı ərzində bazara təklif еdilən ən bahalı torpaq sahəsi Nərimanov rayonunda, Həsən Əliyev (İnqilab) küçəsində (222 930 $/sot), ən ucuz torpaq sahəsi isə Sabunçu rayonunda, Vişnyovka adlanan qəsəbədə (1019$/sot) qеydə alınıb.

Mart ayı ərzində bazara çıxarılan 1 sot torpağın orta qiyməti 6,07% artaraq 17 884 dollar/sot səviyyəsindən 18 969 dollar/sot səviyyəsində qərarlaşıb.

2014-cü ilin mart ayında Bakı şəhərinin əksər rayonları üzrə qiymət artımı müşahidə olunmasına baxmayaraq Binəqədi, Nərimanov və Səbail rayonlarında qiymət azalması müşahidə olunub.

Qeyd edək ki, əvvəlki fevral ayında da bu rayonlarda qiymət artımı qeydə alınıb. Qiymət azalması isə əsasən mərkəzi rayonlarda qeydə alınıb.