Xəbərlər

Bakı Ali Neft Məktəbinin rektoru Elmar Qasımov ilə Gəncə Dövlət Universitetinin rektoru Yusif Yusibov arasında imzalanan əməkdaşlıq müqaviləsinə əsasən hər iki ali təhsil müəssisəsi fakültə, kafedra və professor-müəllim heyəti arasında birbaşa əlaqə və əməkdaşlıq yaratmaq üçün onları dəstəkləyəcək və zəruri tədbirlər görəcəklər.

ERtv xəbər verir ki, xarici universitetlərlə  bərabər yerli universitetlərlə də əməkdaşlığın vacibliyini qeyd edən Bakı Ali Neft Məktəbinin rektoru Elmar Qasımov  bildirmişdir ki, Azərbaycanda  ali təhsil sektorunun  inkişafina  təsir edəcək əsas amillərdən biri də universitetlərin  bir –biri ilə əməkdaşlıq etməsi  və  əldə etdikləri bilik və təcrübələrin  paylaşmalarından  ibarətdir.

Azərbaycan Respublikasının Prezidenti cənab İlham Əliyevin  rəhbərliyi ilə ölkədə həyata keçirilən uğurlu təhsil islahatlarından bəhs edən rektor  qeyd etmişdir ki,   universitetlər də bu istiqamətdə aparılan işlərdə  bir –birinə  dəstək olmalıdır.

Bakı Ali Neft Məktəbinin qısa  zaman çərçivəsində  qazandığı uğurları yüksək qiymətləndirdiyini qeyd edən Gəncə Dövlət Universitetinin rektoru Yusif Yusibov bildirmişdir  ki, Bakı Ali Neft Məktəbinin təcrübələrində  yararlanmaq  onlar üçün olduqca əhəmiyyətlidir.